WordPress-aanhangers vul reeds vir baie jare ‘n jaarlikse opname in om hul ondervinding met en gevoelens oor WordPress te deel. Interessante brokkies uit die opname is gedeel tydens die WordPress-rede (Engels) en / of hier op WordPress-nuus.
Hierdie opname help die mense wat WordPress bou om te beter te verstaan wie die gebruikers van die sagteware is en hoe dit gebruik word. Die opname help ook die leiers van die WordPress oopbron-sagteware projek om meer te leer omtrent die ondervindings van die mense wat bydrae tot WordPress.
Om te verseker dat vanjaar se opname verteenwoordigend is van jou ondervinding:
Neem deel aan die 2020-opname! (Engels)
Die opname is ook beskikbaar in Frans, Duits, Japanees, Russies en Spaans. Die opname sal vir ten minste ses weke beskikbaar wees en die resultate sal op hierdie webjoernaal beskikbaar gestel word.
Die resultate van die 2019-opname
Kry die 2019 opname-resultate (Skyfies) (Engels) Laai die 2019 opname-resultate af (PDF of PPT) (Engels)
Die 2019-opname het ‘n paar nuwe vrae ingesluit oor hoekom mense aanhou om WordPress as hul CMS (“Content Management System”) van voorkeur te gebruik, asook ‘n afdeling gerig op diegene wat bydrae tot WordPress. Die opname was in 2019 vir die eerste keer na vyf verskillende tale vertaal: Frans, Duits, Japanees, Russies en Spaans.
Die eerste opname van diegene wat bydrae tot WordPress is in 2015 opgedoen, maar die resultate was ongelukkig nooit vrygestel nie. Hierdie verslag sluit die 2015 en 2019 resultate in.
Opname-segmente
Drie groepe is by die opname ingesluit: WordPress-verskaffers, WordPress-gebruikers en Ander.
Die WordPress-verskaffers groep bestaan uit diegene wat: werk vir ‘n maatskappy wat webwerwe ontwerp of ontwikkel; WordPress gebruik om webwerwe en/of webjoernale vir ander te bou; temas, uitbreidings of ander nie-standaard gereedskap vir WordPress-webwerwe bou; of ‘n ontwerper, ontwikkelaar of ander profesionêle persoon is wat met WordPress werk.
Hierdie groep word dan verder onderverdeel tussen WordPress maatskappy-verskaffers (diegene wat vir ‘n maatskappy werk wat webwerwe ontwerp of ontwikkel) en persoonlike WordPress verskaffers (alle ander professionêle tipes).
Die WordPress gebruiker-groep bestaan uit diegene wat: ‘n webjoernaal besit of bedryf wat met WordPress gebou is; ‘n webwerf besit of bedryf wat met WordPress gebou is; wat skryf vir of bydrae tot ‘n webjoernaal of webwerf wat met WordPress gebou is; ‘n onderwyser is wat WordPress by die skool gebruik; ‘n student wat WordPress vir skool gebruik of ander wat besig is om te leer hoe om webwerwe met WordPress te bou.
Die Ander-groep bestaan uit diegene wat nie met enige van die opsies wat in die vraag “Watter van die volgende is die naaste beskrywing van hoe jy WordPress gebruik?” self-identifiseer nie.
Opsomming van die 2019 resultate
WordPress bly die voorkeur-platform vir toekomstige projekte tussen die opname-deelnemers. Die redes wat daarvoor gegee word is oorweldigend dat WordPress ‘n CMS is wat mense reeds ken en dat die ondersteuning wat deur die gemeenskap gebied word waardevol is. Professionêle- en ander gebruikers rapporteer soortgelyke frustrasie-vlakke t.o.v. Gutenberg (die nuwe visuêle skryfpaneel). Beide groepe waardeer dit ook dat WordPress maklik is om te gebruik.
Die aantal professionêle gebruikers wat aandui dat hul ‘n hoogs-aangepaste ondervinding aan hul klante bied het wesenlik gegroei, ter selfde tyd as wat die hoeveelheid tyd wat hul aandui dat hul op daardie webwerwe spandeer het afgeneem het. Ten spyte van enige frustrasie wat ondervind is, blyk dit asof gemak-van-gebruik toegeneem het.
Meer besonderhede t.o.v. die sentiment, gebruik en ander interessante onderwerpe is beskikbaar in die verslag. Lees dit gerus!
Voor jy gaan: Neem deel aan die 2020-opname!
Wanneer die mense wat WordPress bou weet hoe mense WordPress gebruik, kan hul jou behoeftes en voorkeure ingedagte hou.
Die opname sal vir ten minste ses weke beskikbaar wees en die resultate sal op hierdie webjoernaal gepubliseer word. Alle data sal anoniem gemaak word: geen e-pos of IP-adresse sal met die gepubliseerde resultate verbind word nie. Om meer oor WordPress.org se privaatheids-praktyke te leer, verwys na die privaatheid-beleid.
Soos laas jaar, sal die 2020-opname bemark word deur ‘n vlag op WordPress.org, as wel as aan WordPress-aanhangers. Die vertaalde opnames sal ook op Rosetta-webwerwe bemark word. Moedig asseblief jou WordPress-vriende en diegene wat jou op sosiale media volg aan om ook aan die opname deel te neem!
Maak seker dat jou WordPress-ondervinding in die 2020-opname verteenwoordig word… Moenie uitstel nie!
Neem deel aan die 2020-opname! (Engels)
Hierdie bydrae is ‘n vertaling van die oorspronklike. Die plasing is per die versoek van die wêreld-wye Polyglots-span.